မာနယစ်မူး၊ ရူးနေသူ
ပညာထွန်းတောက်၊ ပါရဂူမြောက်၍
မောက်မာ မာန၊ ကြွနေသူ
ဥစ္စာဓန၊ ပေါကြွယ်ဝ၍
အတ္တမာနကြီးနေသူ
များချွေရံရှိ၊ အာဏာပြည့်၍
အတိမာနရောက်နေသူ
အားအင်ပြည့်မား၊ များထက်သာ၍
မာနတံခွန်ထူနေသူ
အများနှင့်ဆန့်ကျင်၊ အဟုတ်ထင်၍
မှော်ဝင်မာန၊ ပူးနေသူ
အရာရာကျရှုံး၊ ချစ်သူမုန်း၍
နုံးချည့်မာနစွဲနေသူ
ပိုးဖလံအဖြစ် မီးဝယ်နစ်သို့
မုန်း ချစ် စွန်းတွက်၊ မာနတက်ဘိ
လက်ရှိအခြေ၊ အောင်မြင်နေလည်း
ရေပွက်ပမာ၊ ခဏသာ
ကံဟောင်းကူဖေး၊ အကျိုးပေးကြောင့်
လူရေးခွင်ဝယ်၊ လူတွင်ကျယ်လုပ်
မာန်စွယ်ထုတ်ပြ၊ သရုပ်လှလည်း
လင်းရလျှပ်စီး၊ တပြက်သာ
သြော်.... လူတွေလူတွေ
အပူတွေကြား၊ အယူမှားလျှက်
တရားဆိတ်သုဉ်း၊ အချိန်ဖြုန်းသော်
လုံးရာမှပြား၊ ပြားရာမှအက်
အက်ရာမှကွဲ၊ ကွဲရာမှကြေ
ကြေရာမှမွ၊ မွရာမှလွင့်
လွင့်ရာမှပျောက်၊ နိဂုံးရောက်သော်
တောက်လောင်မစဲ၊ မီးကျင်းထဲမှ
လူးလဲမထသာ၊ နာကြီးနာသည်
မာနဒဏ်က စုန်းမှော်အသွင်
မသာတမျှ နံစွနှလုံးညှော်ဝင်
ထာဝရ၊ ဟန်မကျ၊ ပြုံးပျော်မရွှင်။
(အောင်ပန်းဝေ-ရွေဘို)
0 comments:
Post a Comment